Кыргызстандын меценаттарынын конкурсунун жыйынтыгы боюнча «Ак Жүрөк» сыйлыгы тапшырылды.
Бул пикирге толук ишенген жана тастыктаган «Айкөлдүк» эл аралык кайрымдуулук Фондусунун негиздөөчүсү Аскар Салымбеков тарабынан үстүбүздөгү жылдын 31-январында Улуттук опера жана балет театрынын малахит залында Кыргызстандын меценаттарына «Ак Жүрөк» улуттук сыйлыгы тапшырылды.
Меценаттык салтты улантуу кылымдар бою баркталып келет. Бул ишмердүүлүк дайым бар болуп, коомдун алдыңкы баалуу ишмердүүлүгү болуп кала берет.
Демөөрчү, колдоочу, спонсор атына конгон бул инсандар Кыргызстандын жети дубанынан жол тартып келгени менен, атак-даңкка эч умтулушпайт. Бир гана коомубуздун, кыргыз элинин айкөлдүгүн, кайрымдуулугун дагы бир жолу эскертип, ушул ишти негизги ишине эриш аркак алып жүрүүгө чакырышат.
Канча меценат болсо, ошончо кайрымдуулук, колдоо жана дем берүү окуясы. Ар бири биринен өткөн татаал, бирок ошончолук ишенимди арттыра турган үлгү мисалдар.
Мына ушундай тарыхты жаратып келе жаткан адамдарга опера жана балеттин малахит залы да жарашып, тартууланган атактуу, жан дүйнөнү сергиткен музыка жана анын аткаруучулары да жарашып турду. Нуркан Турсунбаев, “Алтынчы күнү кечинде”, аткаруучу: Бакыт Ыбыкеев; Тимур Саламатов “Каркыралар”. Аткаруучулар: Гүлмира Ниязбаева жана Бактыгүл Бокоева; Орус эл ыры: “Зачем тебя, я, милый мой искала”, аткаруучу: Үмүт Тилегенова; Кыргыз, орус жанан италия классикалык чыгармаларынан поппури. Аткаруучулар: Сталбек Алмазбеков шакирттери менен – Тынчтыкбек Байдылдаев, Орозбек Бакытов жана Талантбек Токомбаев залды жаңырта ыр сунуп жатышты.
Сыйлыктын ээлери ыраазычылык билдирип, Кыргызстандын келечеги эмгек жана биримдиктен, кайрымдуулукка негизделген иш-чаралардан өнүгүп өсөөрүн баса белгилеп, кубанычтуу маанайда тарашты.
«Айкөлдүк» эл аралык кайрымдуулук Фондусу жана Прогрессивдүү Демилгелер Фондуларынын негиздѳѳчүсү болгон Аскар Салымбеков мекенинде элдин социалдык, материалдык муктаждыгын чечүүгө өз чөнтөгүнөн каражатын аябаган бул ак жүрөк инсандарга ыраазычылык билдирип, Фучик паркынын «Данк Аллеясында» түбөлүккө ташка ысымдарын тамга кылып жаздырыла тургандыгын белгилеп ѳттү.
Айкөл инсандардын катарын толуктоочу адамдар;
http://fpi.kg/novosti/sostojalos-ceremonija-vruchenija-premii-ak-zhrk-mecenat-goda
Видео материалды бул жерден корууго болот:
Добавить комментарий