"АКЫЛ КУБАТЫ" ПРОГРАММАСЫ

ФОНДДУН ДОЛБООРЛОРУ

Прогрессивдүү Демилгелер Фонду “Кыргызстандын Идеялык Картасы” долбоорунун алкагында Кыргызстандын тарыхында биринчи жолу улуттук денгээлдеги “Акыл Тирек” жана “Акыл Кубаты” аттуу проектилерди ишке ашырууда. Бул программалардын максаты гениалдуу инсандарды жана кесипкөй адистерди таап чыгып алдыга сүрүү, жаратман идеялардын жана аракеттердин ишке ашуусуна түрткү болуп өлкөбүздүн оң жака өзгөртүү болуп саналат.

“Акыл Кубаты” программасы

“Акыл Кубаты ” программасы бардык Кыргызстандын жарандарына коомдогу көйгөйлүү маселелерди чечүүгө өз ойлорун коллективдик талкууга алып чыгууга, чечүүчү жолдорун коллектив менен издөөгө жана андан ары коомдук документ иштеп чыгууга шарт түзөт.

Бул программанын максаттары:

•   Коомдогу идеяларды жана демилгелерди бириктирүү

•   Идеялардын жана демилгелердин конструктивдүү жарышын уюштуруу

•   Прогрессивдүү-жаратман күчтөрдүн таза таймашын уюштуруу

•   Коомдук жана мамлекеттик институттар арасында проекттер жана ой-пикирлер менен алмашуучу аянт түзүү

•    Идея иштеп чыгаруучу жана чечим кабыл алуучу   адамдар жана топтор менен тыгыз байланышта иш алып баруу.

“Акыл кубаты” программасы 2 системалык бөлүктөн турат. 1) Улуттук краудсорсинг-платформа; 2) Коомдук форум.

Улуттук краудсорсинг-платформа- өз билими жана тажрыйбасы менен алмаша ала турган жана бүгүнкү күндөгү актуалдуу темаларга баардык идеяларды чогултуп, алардын ичинен мыктысын коллектив аркылуу чече ала турган виртуалдык аянтча болуп саналат. Компетенттүү жана эң активдүү краудсорсерлерден, эксперттерден, ошол тармактагы адистерден жана ошондой эле эгер муктаж болсо юристерден “Коомдук документ” даярдоо үчүн  жумушчу топтор түзүлөт. Жумушчу топтордун “Коомдук документтерди” иштеп  чыгышына бардык шарттар түзүлүп, материалдык колдоолор көрсөтүлөт. Жумушчу топко кирүү үчүн www.fpi.kg сайтындагы Улуттук краудсорсинг-платформасына каттоодон өтүп, көрсөтүлгөн темалар боюнча краудсорсинг-платформасына конкреттүү сунуштарды жазып, башка колдонуучулардын идеяларын талкулоого активдүү катышып, мыкты краудсорсер болуу зарыл. Жумушчу топтордун иш жыйынтыгы болуп Коомдук форумда “Коомдук документти” презентациалоо болуп саналат.

Коомдук форумга мамлекеттин жана бизнестин өкүлдөрү, коомдук мекемелердин ЖОЖдун, КР Билим Берүү Академиясынын ардактуу билим берүүчүлөрү, жана ошондой эле  эксперттер катыша алышат. Коомдук форумда мамлекетке жана коомго Улуттук краудсорсинг-платформасында көйгөйлүү маселелер боюнча коллективдик интеллектин методу менен иштелип чыккан “Коомдук документ” сунушталат. Экономика, политика, жеке адамдын баалуулуктарынын өсүшү сыяктуу актуалдуу суроолорго Компеттенттүү жарандар жана эксперттер көптөгөн тажрыйбалары, конкреттүү практикалык сунуштарын коомго сунуштап, коомдук форумдун ар бир катышуучусуна баа жеткис билимдери менен бөлүшүшөт. Форумдун катышуучуларына ишкердик байланыш түзүү жана мыктылардын тизмесине кошулуу мүмкүнчүлүгү түзүлөт. Ал эми “Коомдук документтер” коллективдик интеллектин продуктусу катары мамлекеттик органдарга андан ары колдонууга сунушталат.

Краудсорсинг-платформасындагы темалардын циклдик жыйынтыгында колдонуучулар өздөрү талкууга тема коюуга укугу бар.

“Акыл Кубаты” программасынын I циклиндеги иш жыйынтыгында 2013-жылдын 19 июлунда “Акыл Кубаты” Коомдук форумунда төмөндөгү темалар боюнча  коомдук документтерди презентациялоолор болуп өттү:

1.      Мамлекет жана ишкердик ортосундагы кызматташтык

2.      Евразиялык интеграция. Бажы союзу. Он жана терс жактары, оптималдуу интеграция.

3.      Жарандык платформа: Коомдогу терс көрүнүштөрдү жеңип чыгуу жолдору

Жогорудагы коомдук документтер Фонддун сайтынан ар бир катталган колдонуучу таанышууга жана ошондой эле  өзүнүн сунуштарын билдирүү үчүн орун алды.

“Акыл Кубаты” программасы катышуучулардын идеяларын жана демилгелерин консолидациялоо менее бирге өлкөбүздүн өнүгүүсүнө чоң шарт түзүп берип, компетенттүү жарандардын ой-толгоолорун жана тажрыйбаларын мамлекетибиздин күчтөнүшүнө колдонгон жакшы традиция болуп кала бермекчи. Ошонун менен бирге коомубуз куру сөздөрдөн, натыйжасыз талашуулардан көйгөйлүү маселелерди чечүүгө конреттүү чечимдерди иштеп чыгууга өтөт.